2
- މާލޭގައި އޭނާ ދިރިއުޅޭ މުއްސަނދި ދިރިއުޅުމުގެ ޚަރަދުތަކަށް އޭނާ، އޭނާގެ ދެއެކުވެރިންނާއެކު ކުރާ ކުޑަވިޔަފާރިން ފައިސާ ނުލިބޭނެތީ.

3
- ދޭތެރެ ދޭތެރެއިން ރާއްޖެއިންބޭރަށް އޭނާއާއި ޑރ.ޝަހީދު އެކުރާ ދަތުރުތަކަށް ފައިސާ ހޯދާ ގޮތެއް ނޭނގުން.

4
- އޭނާއާއި ޑރ.ޝަހީދު ރާއްޖެއިން ބޭރަށް ގޮސް އުފައްދައިގެން އުޅޭ ޖަމްޢިއްޔާ ‘އޯޕަން ސޮސައިޓީ’ ގައި މަސައްކަތްކުރާ ހުޅަނގުގެ ދޮންބިދޭސީ ތަޖުރިބާކާރުންނަށް މުސާރަ ދޭން ފައިސާ ހޯދާގޮތެއް ނޭނގުން.

5
- އޭނާގެ ކެމްޕޭނަށް ދިވެހިރާއްޖޭގެ އެއްކޮޅުން އަނެއްކޮޅަށް ދަތުރުކޮށް ކެމްޕޭނު ކުރުމަށްޓަކައި ފައިސާ ހޯދާ ގޮތެއް ނޭނގުން.

6
-ޑރ.ޙަސަން ސަޢީދުގެ އެންމެބޮޑު މައްސަލައަކީ އޭނާ ސިޔާސީ ޕާޓީއެއްގައި ބައިވެރިނުވެ ދިވެހިރާއްޖޭގައި ބާއްވާ އެންމެ ފުރަތަމަ މަލްޓި-ޕާޓީ (ގިނަޕާޓީތައް އެކުލެވޭ) ރިޔާސީ އިންތިޚާބެއްގައި ބައިވެރިވުން.
7-
އެޓަރނީ ޖެނެރަލްކަމުގެ މަޤާމުގައި ހުރެ އޭނާގެ އޮފީހަށް ހުށަހެޅުނު ޖިނާޢީ މައްސަލަތައް ޝަރީޢަތަށް ނުފޮނުވައި ފަސްކުރުމާއި، އޭނާގެ މަސްލަޙަތު އޮންނަ މީސްމީހުންގެ މައްސަލަތަކަށް ނުފޫޒު ފޯރުވުމާއި، ދައުލަތުގެ ލިޔެކިޔުންތައް ލީކުކުރުމާއި، ފަރުދީގޮތުން އިދިކޮޅު ސިޔާސީ މީސްމީހުންނަށް ފާޑުފާޑުގެ ޙަމަލާތައް އަމާޒުކުރުން.

8
- ސިޔާސީ ފައިދާތަކެއް ޙާޞިލްކުރުމަށްޓަކައި ޙަޤީޤަތާއި ޚިލާފު ވާހަކަ ދެއްކުން.

9
- އޭނާގެ އެޓަރނީ ޖެނެރަލްކަމުގައި ފުލުސް އޮފީހުން ތަޙުޤީޤުކުރުމަށްފަހު ފޮނުވުނު ގިނަ ޖިނާޢީ މައްސަލަތައް ޝަރީޢަތާއި ހަމައަށް ނުފޮނުވައި ލަސްކުރުމުގެ ސަބަބުން (މީގައި މައުމުނާއި ފުލުހުންގެ އިޙުމާލުވެސް ހިމެނޭގޮތަށް) މާރާމާރީ ފަދަ އަނިޔާވެރި ކުށްތަކާއި މަސްތުވާތަކެތީގެ ބޮޑެތި މައްސަލަތައް މާލެތެރޭގައި އަތްނުފޯރާ ފަށަށް ގިނަވެ ޢާއްމުވުން އަދި މިކަންތައްތައް ޙައްލުކުރުމަށް އެދެވޭ ފިޔަވަޅުތަކެއް އަޅާފައި ނުވުން.

10
- ޑރ.މުޙައްމަދު މުނައްވަރު އެޓަރނީ ޖެނެރަލްއަކަށް ހުރި ދިހައަހަރުގައި ދިމާވެފައިނުވާ ބޮޑެތި ކޮރަޕްޝަނާއި ނާޖާއިޒް ނުފޫޒުގެ މައްސަލަ މީނާ އެޓަރނީ ޖެނެރަލްއަކަށް ހުރި ކުރު މުއްދަތުގައި ހިންގާފައިވުން.

11
- ޑރ.ޙަސަން ސަޢީދު އޭނާގެ ބޭބެއާއި ދެމީހުން ލިޔެފައިވާ ފޮތް ” ފްރީޑަމް އޮފް ރިލިޖަން، އެޕޮސްޓެސީ އެންޑް އިސްލާމް” (އިސްލާމްދީނުގައި ދީނީ މިނިވަންކަމާއި މުރުތައްދުވުން) އަކީ އިސްލާމްދީނުގެ އަސްލުތައް ޢާއްމުންނަށް އޮޅޭފަދަ ގޮތަކަށް އޮރިއެންޓަލިސްޓް އަދި ސެކިއުލަރ ޚިޔާލު އެކުވެގެން ލިޔެފައިވާ ފޮތެއް. އަދި އޭނާގެ ބޭބެއަކީ މިވެނި ރަސްކަލެއްގެ ޕްރޮފެސަރެކޭ، ސަޢުދީ ރަސްގެފާނު ޙައްޖަށް ދަޢުވަތު ދިން މީހެކޭ، އޭގައިވަނީ މެލޭޝިޔާގެ ވާހަކަތަކޭ ނުވަތަ ރިސަރޗެކޭ ބުނެ އޮޅުވާލަން ކިތަންމެ މަސައްކަތެއް ކުރިއަސް އެފޮތް ކިޔާލާ ކޮންމެ މީހަކަށް އެމީހުން އެފޮތް ލިޔުނު މަޤްޞަދަކީ ދިވެހިރާއްޖެ ފަދަ އިސްލާމީ މުޖްތަމަޢުތަކަށް ބޭނުން ދީނަކަށް އުޅުމުގެ މިނިވަންކަން ގެނައުމާއި މިގޮތުގެ މަތިން އިސްލާމްދީން ދޫކޮށް (މުރުތައްދުވެ) އެހެން ދީންތައް އިޚުތިޔާރު ކުރަން ބޭނުން މީހުންނަށް އެއްވެސް ހުރަހެއްނެތި އެކަންކުރުމަށް މަގުފަހިކޮށްދެނިވި ޚިޔާލު ފެތުރުންކަން ވަރަށް ރަނގަޅަށް ހާމަވެގެންދެއެވެ.

12
- ދިވެހިރާއްޖެއަކީ މެލޭޝިޔާ ފަދަ ދުނިޔޭގެ ގިނަ ޤައުމުތައް ފަދައިން ތަފާތު ނަޞްލުތަކެއްގެ ބަޔަކު އެކުލެވިގެންނުވާ އެއްނަސްލެއްގެ ބަޔަކަށް ވީހިނދު ޒަމާނުއްސުރެ ދިވެހިން ޤަބޫލުކުރަމުން އައި އުޞޫލުކަމަށްވާ ދިވެހިރާއްޖޭގެ ރައީސުލްޖުމްހޫރިއްޔާކަމުގެ މަޤާމަށް އިންތިޚާބު ކުރެވޭ މީހާގެ އަނބިކަނބަލުންނަކީ ދިވެއްސަކަށް ވާންޖެހޭނެކަމަށް އޮތްއޮތުން އަމިއްލައަށް ވެރިކަމަށް ކުރިމަތިލުމުގެ މަޤްޞަދުގައި ހުޅަނގަށްގޮސް އެމީހުންގެ ގާތުން މަދަދުއެދި ރައްޔިތުންގެ ޚާއްޞަމަޖިލީހަށް ހުޅަނގުގެ ބިރު ދައްކައިގެން ބަދަލުކުރުވުން. (މިއަދު ހުރިހާ ދިވެހިން ދައްކާ ވާހަކައަކީ މައުމޫން ޢަބްދުދުލްޤައްޔޫމް ތީމުގޭގައި ބަންގާޅީއަކު ގެންގުޅޭ ވާހަކަ، މީނާ އިންތިޚާބުކޮށްފިނަމަ ދެން ދައްކާނީ ދިވެހިންގެ މެލޭޝިޔާ ފަރސްޓްލޭޑީގެ ވާހަކަ)

13
- އޭނާގެ އެޓަރނީ ޖެނެރަލް ކަމުގައި މެލޭޝިޔާ މީހެއްގެ މައްސަލަ ފުލުސް އޮފީހުން ފޮނުވުމުން ޝަރީޢަތަށް ނުފޮނުވައި އޮއްބާލި އޮއްބާލުމުން ދޭހަވަނީ އޭނާގެ ވެރިކަމެއްގައި އޭނާގެ މެލޭޝިޔާގެ އަނބިގޮއްޔެގެ ނުފޫޒު ދިވެހިރާއްޖޭގެ ވެރިކަން ހިންގުމުގެ ބާރަށް ފޯރާނެވަރު.

14
- ތިމަންނާގެ ވެރިކަމެއްގައި ގާތްތިމާގެ މީހުން ސަރުކާރުގެ އިސްމަޤާމުތަކަށް ނުލާނެކަމަށް ބުނަމުންގަންދާއިރު ސަރުކާރުން ނުފޫޒުގަދަ މަޤާމެއް ލިބުނު ދުވަހު ރާއްޖެތެރޭ ރަށެއްގެ ސްކޫލެއްގެ ސުޕަވައިޒަރަކަށް ހުރި މީނާގެ ބޭބެއަށް ކުއްލިއަކަށް އަތޮޅުވެރިކަން ލިބި ބޮޑު ސިޔާސީ މުފައްކިރަކަށްވުން.

15
- މައުމޫނުގެ ވެރިކަން ނިމިނިމި އޮއްވާ އޭނާއަށް ޕާޓީ ހަދައިދީ، ޔަހޫދީންނާ ގުޅިގެން މިސަރުކާރުގެ މަތި އޮމާންކޮށްދީ އަދި އެވަރުނުވެގެން މައުމޫނަށް އިތުރު ދައުރަކަށް ކުރިމަތިލުމަށް ހިތްވަރުދިން ދިނުން.

16
- ދިވެހިރާއްޖޭގެ ޤައުމީ ޓީވީ އާއި ރޭޑިޔޯއިން އެމް.ޑީ.ޕީގެ ފުރަތަމަ ރަސްމީ ބައްދަލުވުމަށް ނުދިއުމަށް ރައްޔިތުންނަށް އިންޒާރުދީ އެއީ ޣައިރުޤާނޫނީ އެއްވުމެއްކަމަށް ބުނެ އޭގައިބައިވެރިވާ އިދިކޮޅު ސިޔާސީ ލީޑަރުން (ޑރ.މުނައްވަރު، އިބްރާ، އަންނި މެންފަދަ އިދިކޮޅު އެންމެންހެން ހިމެނޭގޮތަށް) ނާއިމެދު ޤާނޫނީ ފިޔަވަޅު އަޅާނެކަމަށް ބިރުދައްކާފައިވުން.

17
- އޭނާ ސަރުކާރުން ވަކިވުމާހަމައަށް ރިފޯރމިސްޓުންގެ ހުރިހާ ޚިޔާލުތަކާއި ސުލޫކުތައް ޑިމޮކްރެސީގެ އަސާސްތަކާއި ޚިލާފުކަމަށްބުނެ މިއަދު އެފަދަ ޚިޔާލުތަކާއި ސުލޫކުތަކަށް މަގުފަހިކޮށްދިނީ ތިމަންނާކަމަށްބުނެ ހުރިހާ ފޮންޏެއް އަމިއްލައަށް ބޯލަން އުޅޭއުޅުން.

18
- އެހެންމީސްމީހުންނާ ދިމާލަށް އިނގިލި ދިއްކުރަމުންދާއިރު ދިޓީވީއާއި ދިއެފްއެމްގެ ޚަލީލުމެންނާއި އޮންނަ ގުޅުމުގެ ނުފޫޒު ބޭނުންކޮށްގެން އޭނާގެ އަމިއްލަ ކެމްޕެއިން ޕްރޮޕެގެންޑާތައް މީޑިއާގެ މިދެޥަޞީލަތުން ފޮނުވުން.

19
- އިސްލާމީ ދައުލަތެއްގެ ވެރިއަކަށް އަންހެނަކަށް ނުހުރެވޭނެކަމަށް ރާއްޖޭގައި ތިއްބެވި ޢިލްމުވެރިންތައް އެކަމުގެ ދަލީލުތަކާއެކު ބުނަމުން ގެންދަނިކޮށް ބޭނަޒީރު ބުއްޓޫމެން، ޚާލިދާ ޒިޢާމެން، ޗަންދްރިކާމެންފަދަ މީސްމީހުން އެއީ ހުއްޖަތެއްކަމަށް ދައްކައިގެން ޤުރުއާނާއި ރަސޫލާގެ ސުންނަތާ ދެކޮޅަށް އެޓަރނީ ޖެނެރަލަކަށް ހުރެ ޑީ.އާރް.ޕީގެ އަޣްލަބިއްޔަތު އޮންނަ މަޖިލީހުގައި ވަކާލާތުކޮށް ފާސްކުރިކުރުން.

20
- މައުމޫން މިވޭތުވެދިޔަ 30 އަހަރު އޭނާގެ ވެރިކަން ދިފާޢުކުރުމުގެ ގޮތުން ދީން އައްޑަނައަކަށް ބޭނުންކުރި ފަދައިން އަމިއްލަ ފައިދާއަށްޓަކައި ޤުރުއާނުގެ އާޔަތްތަކާއި ޙަދީޘްތައް ކިޔައި ހެދުން.

21
- ޑރ.ޙަސަން ސަޢީދުއާއި ޑރ.ޝަހީދުއާއި ޑރ.ޖަމީލުގެ މިސާލަކީ އޒ.މައުމޫނު ޢަބްދުލްޤައްޔޫމްއާއި އޒ.ޒާހިރު ޙުސައިންއާއި އޒ.ފަތުހުﷲ ޖަމީލުގެ މިސާލު.

22
- އޭނާގެ ރަނިންމޭޓް ޑރ.ޝަހީދުއަކީ މަރުވެފައިވާ މައްޔިތަކަށް އިހާނެތިކޮށް ހިތައި އޭނާގެ މަސްގަނޑުމުޅަކޮށް އެއިން ސަލާމަތް ނުވެގެން އުޅުނު މީހާ.

23
- އޭނާގެ ރަނިންމޭޓް ޑރ.ޝަހީދަކީ ސަރުކާރުގެ އިސްތަރުޖަމާނަކަށް ހުރިއިރާއި ޚާރިޖީ ވަޒީރަކަށް ހުރިއިރު ދޮގުހެދުމުގެ ރޮނގުން ޞައްދާމުގެ އިންފޮރމޭޝަން މިނިސްޓަރަކަށް ހުރި މުޙައްމަދު ސަޢީދު އައްސައްހާފުއަށް އެއްމެ ތަންފުކެއްވެސް ދޫނުކުރިމީހާ.

24
- އޭނާގެ ރަނިންމޭޓް ޑރ.ޝަހީދަކީ ވަރަށް ”އަންއެތިކަލް” މީހެއް! އެހެނީ އޭނާ ފޮރިން މިނިސްޓަރަކަށް ހުރި ދުވަސްވަރު އެތަނުގައި މަސައްކަތްކުރާ އަންހެންކުއްޖަކާ ހިތާވެ (މީނާގެ އަންތްބަކު ހުރި ޙާލު) ، އެންހެން މުވައްޒަފުންގެ މައްޗަށް އެކުއްޖަކު އިސްކޮށް، އެކުއްޖާއަށް ރާއްޖެއިން ބޭރުން ސްކޮލަރޝިޕް ހޯދައިދީ، އެކުއްޖާ ކިޔަވަންހުރި އިރު ހަދަންޖެހުނު އެސައިންމެންޓްތައް ހަދައިދީ، ޙަޤީޤަތް ބެލުމެއްނެތި މީހަކު މިވެނި މީހަކު ގޯހޭ ބުނާއިރަށް އެކަންބަލައިގަނެ އަދި މީހަކު މިވެނި މީހަކު ރަނގަޅޭ ބުނާ އިރަށް އެކަން ބަލައިގަނެ އެންމެފަހުން ކުރިން ބުނި މީނާގެ ލޯބިވެރިޔާ ލައްވައި އޮފީސް ހިންގުވައި ހަދާފައިވުން! މިކަމުގެ ތެދުދޮގު އޮޅުން ފިލުވާލުމަށްޓަކައި ފޮރިން މިނިސްޓްރީގައި އެދުވަސްވަރު މަސައްކަތްކުރި މީހުންގެ ފަރާތުން އައްސަވާ! ދެން މިވަރުގެ މީހަކަށް ދިވެހިރާއްޖޭގެ ނައިބުރައީސްކަން ދިނުމުން ކިހާވަރަކުން ދާނެބާ؟

25
- ސިޔާސީ ޕާޓީއެއްގައި ނޫޅޭ މީހަކު ސިޔާސީ ޕާޓީތަކުން އެކުލެވިފައިވާ ރައްޔިތުންގެ މަޖިލީހަކަށް އޭނާގެ ސިޔާސަތުތައް ގެންގޮސް ކުރިއަށް ނުގެންދެވޭނެ! އޭނާގެ މެނިފެސްޓޯގައި ވާ ކަންތައްތަކުގެ ތެރެއިން ގިނަކަންތައްތަކަކީ ރައްޔިތުންގެ މަޖިލީހުގެ ދައުރެއްވެސް އެކަމުގައި އެކުލެވެގެންވާ ކަންތައްތަކަކަށް ވާހިނދު މިކަންތައްތައް އޭނާ ކުރިޔަށްގެންދާނީ ކިހިނެއް؟ އޭނާ މިހާރުވެސް ބުނަމުން އެގެންދަނީ އޭނާގެ މެނިފެސްޓޯގައި ހުށަހަޅާފައިވާ ކަންތައްތައް ވެރިކަމުގެ 5 އަހަރުގެ ތެރޭގައި ފުރިހަމަ ނުކުރެވޭނަމަ އިސްތިޢުފާ ދޭނެކަމަށް! މިކަމުން ދޭހަވަނީ އޭނާ ކުރިމަތި ލައިގެން އެއުޅެނީ ނުވާނެކަމެއް ކުރަންވެގެންކަން!

26
- ދުނިޔޭގެ ތަރައްޤީވެފައިވާ ޤައުމުތަކާއު ތަރައްޤީވަމުން އަންނަ ޤައުމުތަކުގައި ކަންތައްކުރާ ގޮތާއި ދިމާއިދިކޮޅަށް ދިވެހިރާއްޖޭގެ މުޖުތަމަޢު ކަންނެތް މުޖުތަމަޢުއަކަށް ހަދަން ދިވެހިރާއްޖޭގައި މީހަކު ހަފްތާއަކު މަސައްކަތްކުރާ ވަގުތު މަދުކުރަން ހުށަހަޅާފައިވުން! މިކަމުގެ ސަބަބުން ސަރުކާރުން ރައްޔިތުންނަށް ދޭ ޚިދުމަތްތައް އިތުރަށް ބަލިކަށިވެ ޕާސްޕޯޓާއި އައި.ޑީ ކާޑު ފަދަ ތަކެތި ހައްދަންޖެހޭ މީހުންގެ ކިޔުތައް އިތުރަށް ދިގުވެގެން ދާނެއެވެ.

27
- މިކަމުގެ އިތުރުން ހިއުމަން ރިސޯސް ބޭނުންކޮށްގެން މެނުއަލްކޮށް މަސައްކަތްކުރުމުގެ ބަދަލުގައި ކޮމްޕިޓަރާއި ތަފާތު މެޝިނަރީ ބޭނުންކޮށްގެން މަސައްކަތްކުރުވަން އޭނާގެ ސިޔާސަތުގައި ހިމެނިފައިވުމުން ދިވެހިރާއްޖޭގެ އަންއެމްޕްލޯއިމެންޓް (ވަޒީފާނެތިފައިތިބުން) ރޭޓް އިތުރަށް އިތުރުވެގެން ދިޔުން.

28
- ޙަސަން ސަޢީދަކީ އޭނާގެ ޢުމުރުންވީ 38 އަހަރުގެ މަދުދުވަސްކޮޅުގެ ބޮޑުބައި ރާއްޖެއިން ބޭރުގައި ހޭދަކޮށްފައިވާ މީހަކަށްވާތީ ދިވެހިރާއްޖޭގެ ޙާލަތު އެނގެންޖެހޭ ވަރަށް ނޭނގުން! މިހެންކަމުން އޭނާގެ މެނިފެސްޓޯވެސް ފިޓްވަނީ އޭނާ އެޤައުމެއް ރާއްޖެއަށްވުރެ ބޮޑަށް ދަންނަ މެލޭޝިޔާ ފަދަ ޤައުމަކަށް! ދިވެހިރާއްޖޭގައި ދިރިއުޅުމުގައި އޭނާގެ ތަޖުރިބާ މަދުކަމުން އޭނާފަދަ މީހަކު ވެރިކަމަށް ގެނެސްފިނަމަ ދިވެހިރާއްޖެއިން މިހާރުވެސް ބޮޑުބައިގެއްލިފައިވާ ދިވެހިވަންތަކަމާއި ދިވެހިޘަޤާފަތް އެކީގައި ނައްތާލަން މަސައްކަތްކުރުން!

29
- ޢުމުރުން 38 އަހަރުގެ މީހަކަށް (ތަޖުރިބާ ނެތުމުގެ ސަބަބުން)ދިވެހިރާއްޖެއަށް މިއަދު ކުރިމަތިވެފައިވާ ބޮޑެތި ގޮންޖެހުންތަކާއި ކުރިމަތިނުލެވޭނެތީ.

30
- ފައިސާގެ ނުފޫޒޭ މަހުޖަނުންނޭ ކިޔައި އެހެންމީހުންނާ ދިމާލަށް އިނގިލި ދިއްކުރަމުންގެންދާ އިރު މީނާގެ ކެމްޕޭން އޮފީސްތަކަކީ އެންމެ ބޮޑު ކުލި (ތިރީސްހާހުން، ސާޅީސްހާހުން ރުފިޔާ) ދީފައި ހިފާފައިވާ ތަންތަނަށް ވުމާއި މީނާގެ ފަހަތުގައި މަޝްހޫރު ވީބީ ބްރަދަރސްއާއި، ޔުނިވަރސަލްއާއި، ޗަންޕާއާއި، ނަލަހިޔާ ފަދަ މަހުޖަނު ކުންފުނިތައް އުޅޭ އުޅުމަކީ ވަންހަނާ ކުރަން ކިތަންމެ މަސައްކަތެއް ކުރިކަމުގައިވިޔަސް ފަޅާއަރާފައިވާ ކަންތައްތަކެއް.